Rockschool music qualifications are tailor-made for the contemporary musician.
Ysgolion, Colegau a Darparwyr Hyfforddiant
Cyflwyno Cymwysterau RSL yng Nghymru
Mae gan Gymwysterau Galwedigaethol RSL mewn cerddoriaeth a’r celfyddydau perfformio hanes profedig o gynyddu’r niferoedd sy’n dewis meysydd pwnc y Celfyddydau Creadigol, ac maent yn addas iawn i amrywiaeth o ddysgwyr mewn ystod o wahanol leoliadau.
Ar gyfer pwy mae Cymwysterau Galwedigaethol?
Wrth astudio ar gyfer cymwysterau galwedigaethol mewn pynciau creadigol, credwn y dylai’r prif bwyslais fod ar gymhwyso a datblygu creadigrwydd. Mae hyn yn galluogi’r dysgwr i gael profiad sy’n berthnasol i’r byd gwaith wrth astudio ar gyfer cymhwyster sydd â’r un trylwyredd a chydnabyddiaeth â chymwysterau eraill mewn ysgolion, colegau ac ymhlith darparwyr hyfforddiant.
Cymwysterau sydd ar gael
Porwch drwy’r tabiau i weld ein cyfresi cymwysterau yn eich maes pwnc dewisol…
Tystysgrifau Alwedigaethol Addysg Uwchradd
Mae Tystysgrifau Alwedigaethol Addysg Uwchradd (TAAU) yn fath cwbl newydd o gymhwyster Lefel 1/Lefel 2 sy’n gysylltiedig â gwaith ar gyfer pobl ifanc 14 i 16 oed yng Nghymru.
Mae TAAU Lefel 1/Lefel 2 RSL yn y Celfyddydau Perfformio wedi’i gynllunio i roi sgiliau ymarferol yn y celfyddydau perfformio i ddysgwyr, ynghyd â’r wybodaeth a’r ddealltwriaeth sy’n sail i berfformiad cadarn. Mae’n paratoi dysgwyr i symud ymlaen i astudio ôl-16, dysgu seiliedig ar waith neu gyflogaeth. Mae’r cymhwyster hefyd yn helpu dysgwyr i ddatblygu sgiliau trosglwyddadwy gwerthfawr y gallant eu defnyddio mewn addysg bellach ac yn eu gyrfaoedd yn y dyfodol.
TAAU RSL yn Gryno
Cymeradwy ar gyfer Cymru
Cymhwyster wedi’i lunio’n benodol i Gymru ar gyfer dysgwyr 14 i 16 oed
Addysgu am y tro cyntaf: Medi 2027
Digon o amser i ddod i ddeall sut i gyflwyno ein cymwysterau TAAU a sicrhau llwyddiant
Lefel 1 a Lefel 2
Cymhwyster cyfunol Lefel 1 / Lefel 2
Cymhwyster sylweddol o faint strwythuredig
140 o oriau dysgu dan arweiniad / cyfanswm amser cymhwyso o 140 awr
Pedair disgyblaeth
Actio, Dawns, Cerddoriaeth a Theatr Gerdd
Cyflwyno’n ddwyieithog
Ar gael yn Gymraeg ac yn Saesneg, a chaniateir cwblhau’r cymhwyster drwy gyfuniad o’r ddwy iaith
Cymwysterau Galwedigaethol
Ymarferwyr Cerdd | Lefel 1–3
Bydd cymhwyster Ymarferwyr Cerdd yn rhoi i’ch dysgwyr yr wybodaeth a’r sgiliau proffesiynol sydd eu hangen ar gyfer gyrfa mewn cerddoriaeth. Lluniwch y cymhwyster mwyaf perthnasol i’r diwydiant sydd ar y farchnad, sy’n adlewyrchu arloesedd yn y diwydiant cerddoriaeth presennol.
Celfyddydau Creadigol a Pherfformio | Lefel 1–3
Gydag unedau ar gyfer dawnswyr, actorion, perfformwyr theatr gerdd a thechnegwyr, mae’r cymwysterau hyn yn cwmpasu amrywiaeth o sectorau yn niwydiant y celfyddydau perfformio, gan alluogi dysgwyr i roi eu talent wrth galon eu dysgu.
Cymwysterau Prosiect Personol
Rhowch y rhyddid i ddysgwyr archwilio pwnc sy’n bwysig iddynt wrth ddatblygu sgiliau gwerthfawr ar gyfer dysgu, bywyd a gwaith. Bydd cymwysterau Prosiect Personol RSL Awards, sydd wedi’u llunio’n benodol i Gymru ac yn cael eu lansio ym mis Medi 2027, ar gael o Lefel Mynediad i Lefel 2 a gellir eu cwblhau yn Gymraeg, yn Saesneg neu drwy gyfuniad o’r ddwy iaith.
Prosiect a gaiff ei lunio gan y dysgwr
Mae dysgwyr yn dewis eu pwnc eu hunain, yn gosod nodau ac yn creu prosiect personol sy’n adlewyrchu eu diddordebau, eu huchelgeisiau a’u creadigrwydd.
Pedair sgil ar gyfer y dyfodol
Mae pob prosiect yn datblygu sgiliau cynllunio a threfnu, meddwl yn feirniadol a datrys problemau, creadigrwydd ac arloesi, ac effeithiolrwydd personol.
Asesiad hyblyg a chynhwysol
Mae dysgwyr yn cofnodi eu cynnydd mewn portffolio digidol a gallant gyflwyno tystiolaeth drwy waith ysgrifenedig, delweddau, sain, fideo, cyflwyniadau neu ddeilliannau ymarferol. Mae marcio ar sail lefelau yn gwobrwyo cyflawniad ar draws y gwaith a gwblhawyd.
Prosiect Personol Lefel Mynediad
Cam cyntaf â chymorth i ddysgu seiliedig ar brosiect
Mae dysgwyr yn dechrau datblygu’r sgiliau i ddewis pwnc perthnasol, gosod nodau cyraeddadwy, cynllunio eu gwaith ac archwilio gwybodaeth o wahanol ffynonellau. Maent yn creu portffolio digidol ac yn myfyrio ar lwyddiant eu prosiect, gyda chanllawiau a chymorth ar gael lle bo angen.
- 60 awr o ddysgu dan arweiniad
- Un uned a asesir yn fewnol ac a gymedrolir yn allanol
- Cynllunio, ymchwil, creadigrwydd a myfyrio
Prosiect Personol Lefel 1
Magwch hyder ac ewch â syniadau ymhellach
Mae dysgwyr yn datblygu prosiect personol ar bwnc o’u dewis, gan ddefnyddio ymchwil, barn ac enghreifftiau i archwilio syniadau a datrys problemau. Maent yn dysgu ymateb i adborth, addasu eu cynlluniau ac adolygu eu cryfderau a’r meysydd i’w gwella.
- 60 awr o ddysgu dan arweiniad
- Un uned a asesir yn fewnol ac a gymedrolir yn allanol
- Mwy o ddyfnder mewn cynllunio, datrys problemau a meddwl creadigol
Prosiect Personol Lefel 2
Datblygwch annibyniaeth, dyfnder a meddwl arloesol
Mae dysgwyr yn cymryd mwy o berchnogaeth dros brosiect wedi’i fireinio, gan reoli adnoddau, ymateb i adborth parhaus ac ymchwilio at ddibenion penodol. Maent yn ystyried gwahanol safbwyntiau, yn cyfiawnhau atebion ac yn myfyrio ar sut y gall eu profiadau lywio penderfyniadau ac ymddygiadau yn y dyfodol.
- 60 awr o ddysgu dan arweiniad
- Un uned a asesir yn fewnol ac a gymedrolir yn allanol
- Ymchwil fwy annibynnol, gwneud penderfyniadau rhesymegol a gwerthuso
Pam RSL Awards?
Dull Cyflwyno Hyblyg
Ymarferol, perthnasol i’r diwydiant a hyblyg. Mae’r hyblygrwydd o ran cyflwyno wedi’i gynllunio i’ch galluogi i lunio’r cymhwyster perffaith i chi a’ch dysgwyr, gan gadw strwythur drwy unedau craidd ac unedau dewisol dethol.
Sgiliau Ymarferol
Mae’r asesu’n canolbwyntio ar sgiliau ymarferol a/neu dechnegol, a gwybodaeth sy’n berthnasol i rolau yn niwydiant y cymhwyster perthnasol. Yn gyffredinol, nid oes unrhyw weithiau gosodedig na chyfyngiadau ar y repertoire, sy’n caniatáu i’ch dysgwyr astudio’r hyn sydd o ddiddordeb gwirioneddol iddynt ac yn arwain at fwy o ymgysylltiad.
Cymorth Personol
Mae pob canolfan gyflwyno yn cael cymorth o’r broses gymeradwyo hyd at ardystio, gyda chyswllt penodol ar gael i roi arweiniad, ateb cwestiynau a helpu i gadw’r prosesau i fynd yn hwylus.
Pwyntiau UCAS
Mae Cymwysterau Galwedigaethol RSL Awards yn helpu dysgwyr i symud ymlaen i Addysg Uwch. Mae gennym ystod eang o gymwysterau Lefel 3 sy’n ennill Pwyntiau UCAS. Cliciwch y botwm isod i weld nifer y Pwyntiau UCAS a ddyrennir yn ôl maint a chyfres y cymhwyster.
Cofrestrwch eich diddordeb heddiw
Anfonwch neges atom a bydd un o’n harbenigwyr yn cysylltu â chi!
